కరీంనగర్ వాళ్లకు అలర్ట్ : మరో ఐదు రోజులు వానలు

అల్పపీడన ప్రభావంతో రాష్ట్రంలో మరో 5 రోజుల పాటు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. వాతావరణంలో వేడి, ఉక్కపోత కొనసాగుతుందని పేర్కొంది. ఈ రోజు సిరిసిల్ల, ఆదిలాబాద్, ఆసిఫాబాద్, నిర్మల్, నిజామాబాద్, జగిత్యాల, మంచిర్యాల, కొత్తగూడెం, కామారెడ్డి, సిద్దిపేట, మెదక్, భూపాలపల్లి, ములుగు జిల్లాల్లో మోస్తరు నుంచి భారీ వర్షాలు పడే అవకాశం ఉందని వాతావరణ కేంద్రం తెలిపింది. ఈ నేపథ్యంలో అధికారులు ఎల్లో అలర్ట్ జారీ చేశారు.

వర్షంతో పాటు గంటకు 30-40 కిమీ వేగంతో బలమైన ఈదురు గాలులు వీచే అవకాశం ఉందని తెలిపారు. కొన్ని జిల్లాల్లో ఉరుములు, మెరుపులతో కూడిన వర్షం కురిసే అవకాశం ఉన్నా, పిడుగులు పడే అవకాశమన్నది తక్కువగా ఉంటుందని పేర్కొన్నారు. ఇలాగే, వర్షం కురిసే సమయంలో ఇళ్ల నుంచి బయటకు రాకపోవడం మంచిదని, హైదరాబాద్‌లో సాయంత్రం వర్షం పడే అవకాశం ఉన్నందున వాహనదారులు అప్రమత్తంగా ఉండాలని అధికారులు సూచించారు.